هل النظام مخصص للجيمات بس؟
لأ. بيشتغل مع أي مكان يعتمد على الحصص والاشتراكات: الصالات والنوادي الرياضية، أكاديميات الفنون القتالية والسباحة، استوديوهات الرقص واليوجا والبيلاتس، أنشطة الأطفال، مدارس الكورة والتنس، واستوديوهات التدريب الخاص.
ينفع لجيم عادي من غير حصص؟
أيوه. اعمل باقة مفتوحة بالأيام بس: المشترك ييجي في أي وقت لحد تاريخ الانتهاء، من غير حصص ولا مدرب ولا كلاس. والباقات بالحصص والكلاسات والبرايفت شغالة جنبها عادي.
ينفع العضو يبقى مشترك في الجيم وفي كلاس في نفس الوقت؟
أيوه. العضو يقدر يبقى عنده أكتر من اشتراك شغال، زي الجيم وكلاس بوكسينج، أو برايفت مع كلاس. كل اشتراك بتاريخه وحضوره ومدربه، والتقارير بتعد العضو مرة واحدة.
ينفع الباقة يبقى فيها خدمات زي المساج والساونا؟
أيوه. ضيف أي خدمة للباقة بكميتها — مساج، ساونا، إن بودي أو حصص برايفت — وسجّل كل استخدام من ملف المشترك، ومعاه فلوس المدرب لو فيه.
هل محتاج أثبّت أي برامج؟
لأ. GymSofto بيشتغل من المتصفح على أي كمبيوتر أو تابلت أو موبايل، وتقدر تضيفه على الشاشة الرئيسية للموبايل زي التطبيق.
إيه هي الـ Access Keys؟
كل مشترك بياخد Access Key (أو بطاقة) عليه كود QR خاص بيه. لما يتمسح بيفتح ملف المشترك ويسجّل حضوره، والمشترك نفسه يقدر يشوف اشتراكه من خلاله.
هل النظام بيدعم أكتر من فرع؟
أيوه. تقدر تضيف فروع وتتابع كل فرع لوحده أو كل الفروع مع بعض، وتدي كل مستخدم صلاحية على فرعه بس.
ينفع نغيّر شكل السيستم؟
أيوه. اختار ثيم من الثيمات الاحترافية من شاشة الثيمات، وكل مستخدمين الجيم بيشوفوه على طول. وكمان كل مستخدم يقدر يشغّل الوضع الغامق لنفسه من المنيو بتاعته بنفس ألوان الثيم، ويفضل معاه على أي جهاز. وصفحات المشتركين ليها شكلها الخاص باللوجو والألوان بتوعك.
أقدر أتابع مع اللي ماجددوش؟
أيوه. شاشة المتابعات بتجمع اللي قرّب يخلص، واللي خلص ومجددش، واللي بطّل ييجي، واللي عليه فلوس، والزوار والمسجلين. وكل مكالمة أو واتساب بيتسجل في تايم لاين المشترك مع السيلز، وبيوصلك تذكير في ميعاد المتابعة الجاية.
أقدر أنقل المشتركين الحاليين؟
أيوه. بنساعدك تنقل المشتركين والاشتراكات وتربطهم بالـ Access Keys.
السعر كام؟
حسب عدد الفروع والمستخدمين والأقسام اللي محتاجها. تواصل معانا ونبعتلك عرض سعر.
هل بياناتي في أمان؟
بيانات كل جيم منفصلة، وكل مستخدم ليه صلاحياته وأجهزته، وكل الاتصالات مشفرة.
أقدر أجرب الأول؟
أيوه. افتح النسخة التجريبية من الزرار اللي فوق وجرّب كل الشاشات على جيم تجريبي.
هل فيه دعم فني وتدريب؟
أيوه. بنجهّز الجيم معاك وندرّب فريقك، وموجودين معاك على واتساب.
شوف GymSofto وهو شغال على أرض الواقع
افتح النسخة التجريبية بضغطة واحدة، أو تواصل معانا ونجهّز معاك المكان الخاص بيك.